Bilim jáne ǵylym mınıstri Asqat Aımaǵambetov stıpendıa tóleý tártibine engizilgeli jatqan ózgerister týraly aıtty.

–  Endi stýdentterdiń, magıstranttar men doktoranttardyń stıpendıasy tikeleı olardyń kartasyna túsedi. Iaǵnı, 30 jylda shákirtaqy eń birinshi JOO-larǵa aýdarylatyn. Budan bylaı joǵary oqý oryndary stýdentterdiń oqý úlgerimine qarap stıpendıa tóleıdi. Biz osy tusta kóptegen táýekel baryn baıqadyq. Jańa júıege tolyǵymen shilde aıynda kóshý josparda bar. Bul stıpendıanyń alǵashqy qadamy, – dedi ol.

Aımaǵambetov atap ótkendeı, qazir úsh qazaqstandyq JOO pılottyq rejımde osyndaı tólem júıesi boıynsha jumys isteıdi, taǵy 23 bilim berý mekemesi osyndaı júıeni engizýdi josparlap otyr.

Mınıstrdiń orynbasary Bıbigúl Asylova stıpendıany tóleý sqemasyn túsindirdi.

– Birinshi kezeńde qarjy ortalyǵy pılottyq rejımde joǵary jáne JOO-dan keıingi uıymdarmen kelisim júrgizedi. Keıin JOO aqparattyq júıede granttaǵy stýdentter tizimin, olardyń oqý úlgerimi, statýsy týraly aqparat beredi. Qarjy ortalyǵy bul málimetterdi memlekettik organdardyń derekter bazasymen salystyrady. Osynyń bári aıaqtalǵannan keıin aqparattyq júıe stıpendıa mólsherin avtomatty túrde eseptep shyǵarady. Shákirtaqy stýdentterdiń kartasyna ekinshi deńgeıli bankter arqyly aýdarylady, – dedi Asylova.