Memleket basshysy Qasym-Jomart Toqaev Tájikstan prezıdenti Emomalı Rahmonnyń shaqyrýy boıynsha eki kúndik resmı saparmen Dýshanbege bardy. Bul týraly prezıdenttiń baspasóz hatshysy Berik Ýálı facebook paraqshasynda habarlady.
Bul – Qazaqstan prezıdentiniń bıylǵy alǵashqy sheteldik sapary.
Qazaqstan prezıdentin Dýshanbe halyqaralyq áýejaıynda Tájikstannyń prezıdenti Emomalı Rahmon jáne basqa da resmı tulǵalar kútip aldy.
– Erteń túske deıin Qasym-Jomart Toqaev pen Emomalı Rahmon shaǵyn jáne keńeıtilgen formatta kelissózder júrgizedi dep josparlanǵan. Kelissózder qorytyndysy boıynsha birqatar ekijaqty qujatqa qol qoıylmaq. Sondaı-aq memleket basshylary BAQ ókilderi úshin baspasóz máslıhatyn ótkizedi, – dep jazdy Berik Ýálı.
Budan bólek sapar baǵdarlamasyna sáıkes Qasym-Jomart Toqaev Ismoıl Somonıdiń eskertkishine gúl shoǵyn qoıý rásimine qatysady jáne Madjlısı namoıandagon Madjlısı Olı tóraǵasymen jáne Tájikstannyń premer-mınıstrimen kezdesedi.
Pikir qaldyrý