Jambyl oblysy Gvardeıskıı kentinde áskerı boryshyn ótep júrgen sarbaz ózine qol jumsady.

"82796" áskerı bóliminiń merzimdi qyzmettegi sarbazy Kazarma ǵımaratynyń 4-shi qabatyndaǵy terezeden sekirip qaıtys bolǵan. 

– Júrgizilgen reanımasıalyq sharalarǵa qaramastan, 2021 jylǵy 20 mamyrda áskerı qyzmetker qaıtys boldy. Qorǵanys mınıstrligi marqumnyń týystary men jaqyndaryna qaıǵyryp kóńil aıtady, – dedi vedomstvo ókili.

Qazir quqyq qorǵaý organdary tergeý júrgizip jatyr. Tergeý múddesi úshin jáne marqumnyń týystarynyń qalaýy boıynsha basqa aqparat jarıa etilmeıtini habarlandy.

Marqum áskerı qyzmetke 2021 jylǵy sáýirde shaqyrylǵan, 15 mamyrda ant qabyldaǵan.

"82796" áskerı bólimi Jambyl oblysy Qordaı aýdanynyń Gvardeıskıı kentinde ornalasqan.