Akter Farhat Ábdiraıymovpen qoshtasý rásimi tek otbasynyń qatysýymen ótedi. Bul týraly "Qazaqfılm" kınostýdıasynyń baspasóz qyzmeti habarlady.
"Grýzıada qaıtys bolǵan akter Farhat Ábdiraıymovtyń denesi búgin tańerteń arnaıy reıspen Almatyǵa jetkizildi. Marqum týysqandarynyń málimdeýinshe, aktermen qoshtasý rásimi erteń, mamyrdyń 23-inde Almatyda ótedi" delingen habarlamada.
Pandemıaǵa baılanysty jerleý rásimi tek Farhat Ábdiraıymovtyń týǵan-týystary men jaqyndarynyń qatysýmen ótedi. Marqumnyń otbasy akter shyǵarmashylyǵynyń jankúıerleri men BAQ ókilderinen osy sheshimge túsinistikpen qaraýdy surady.
Farhat Ábdiraıymovty Sh.Aımanov atyndaǵy "Qazaqfılm" kınostýdıasynyń kireberisindegi arnaıy jabdyqtalǵan jerge gúl shoqtaryn qoıý arqyly eske alýǵa bolady.
Pikir qaldyrý