"Mad MEN" mýzykalyq tobynyń múshelerine uıymdasqan qylmystyq top qurý jáne oǵan qatysý aıyptary taǵyldy, – dep habarlady Polisia.kz.

Almaty polısıasy turaqty esirtki jelisin bir aı buryn joıǵanyn, onyń quramynda 21 jastan 30 jasqa deıingi 10 adam baryn atap ótti.  Topty – 1994 jyly týǵan H. esimdi er adam basqarǵan.

– Esirtki qylmysyna qarsy kúres basqarmasy qyzmetkerleriniń kózine H. esimdi er adam 2020 jyldyń qyrkúıeginde túsken. Qolda bar jedel málimetterge sáıkes, toptaǵy adam bir jyl boıy Almatyda sıntetıkalyq esirtkini óndirýmen jáne satýmen aınalysqan. H. esimdi er adam jáne onyń "kómekshileriniń" qylmystyq áreketteri resmı túrde qujattaldy. Onyń ár kómekshisiniń rólderi naqty taǵaıyndalǵan. Mysaly, logıstıkalyq kompanıa arqyly Reseı Federasıasynan sıntetıkalyq esirtki zattaryn óndirýge arnalǵan komponentterdi jetkizýge úsh adam jaýap berdi, olardyń biri qyz bala, eki jas jigit – kasır ári, ótinimder qabyldaýǵa jáne esirtkini qoıyp ketetinderge jaýap berdi, taǵy tórt er adam – esirtki qoıýshylar, qalanyń Naýryzbaı, Bostandyq jáne Alataý aýdandarynda júrgen, – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Almaǵambetov.

İsti tergeý barysynda onyń qatysýshylaryna QR QK-niń 262-baby, 1-bóligi men 2-bóliginde kózdelgen uıymdasqan qylmystyq topty qurý jáne oǵan basshylyq etý faktisi boıynsha aıyp taǵylǵan. Kúdiktiler sottyń maquldaýymen qamaýǵa alyndy. Sotqa deıingi tergeý jalǵasýda.