Keshe Reseı prezıdenti Pýtın "Nordstrım-2" qurylysy aıaqtaldy dep málimdedi. Osyǵan Ýkraınadaǵy keı reseıshil azamattar óre túregeldi – áne, qurylys aıaqtaldy, endi Ýkraına gazsyz qalatyn boldy, oıbaı endi qaıttik? Qurydyq. t.s.s.

Bizdiń Qazaqstanda Máskeýge búıregi buratyndar jeterlik: – Áne, aıttym ǵoı, Pýtın salamyn dedi – saldy, qansha sanksıa salsa da RF-nyń dymy ketpeıdi, rúbl kúsheıip keledi, Baıdendiki balanyń oıyny bolyp ketti, Germanıaǵa sanksıa salmady, t.s.s.

Endi shyndyq qandaı? Qurylys áli aıaqtalǵan joq. Áli 100 shaqyrym qubyr tartylýy kerek. Jaraıdy, tartylsyn-aq delik, sebebi sanksıa salynǵan reseılik kompanıalar ázirge sanksıanyń saldary jetip úlgergenshe qurylysty aıaqtaýy da múmkin, ony joqqa shyǵarýǵa bolmaıdy. Biraq endi osy qurylysty eksplýatasıaǵa tapsyrýy kerek qoı. Jaraıdy, komısıa múshelerin aqshamen satyp alsa da qurylysty tapsyrdy eken delik, sebebi komısıa músheleriniń kóbi reseılikter bolýy múmkin. Biraq endi qurylysty sertıfıkattaý kerek qoı? Al ol eýropalyqtar. Aıtqandaı, Pýtınge jaýap retinde Eýrokomıssıa da búgin qurylystyń áli aıaqtalmaǵanyn jarıalady.

Al Baıdenge kelsek, ol nege Germanıa ınvestorlaryna sanksıa salmaıdy? Onyń sebebi – ol Germanıamen janjaldasqysy kelmeıdi. Tramp pen Pýtın Eýropa elderin bólshektep Eýroodaqty da, NATO-ny da taratýǵa tyrysty, ol úshin ártúrli janjaldar uıymdastyryp otyrdy. Baıden kelisimen osy aradaǵy jikti, salqyndyqty joıýǵa tyrysty jáne ol qolynan keldi de. Batys qaıtadan birtutas bolyp birige bastady, sonyń arqasynda olar sınhrondy túrde birlesip birese RF-ǵa, birese Belarýske, birese Qytaıǵa sanksıa sala bastady. Báribir aldaǵy kúzde jumystan ketkeli otyrǵan Merkelmen shekisip jatqysy kelmeıdi Baıdenniń. Al kúzde jańa kanslermen saıasattyń basqasha bolýy da múmkin.

Qýanysh Edilhantegi

Halyqaralyq sholýshy