Prezıdent Qasym-Jomart Toqaev joǵarǵy sot keńesinde kadryq aýys-túıis jasady. Bul týraly Aqordanyń resmı saıty habarlady.

"Memleket basshysynyń jarlyǵymen Talǵat Sovetbekuly Donaqov Joǵary sot keńesiniń tóraǵasy laýazymynan bosatylyp, onyń ornyna Denıs Alekseevıch Shıpp taǵaıyndalsyn" delingen habarlamada.

Denıs Shıpp 1968 jyly dúnıege kelgen. Omby memlekettik ýnıversıtetin quqyqtaný mamandyǵy boıynsha, Korolev atyndaǵy Samara memlekettik aeroǵarysh ýnıversıtetin aıaqtaǵan. 

Ol 2011 jyldan 2015 jylǵa deıin Almaty qalasynyń mamandandyrylǵan qarjy sotynyń tóraǵasy qyzmetin atqardy.

Keıin 2015 jyldyń jeltoqsan aıynan bastap QR joǵarǵy sotynyń sýdıasy, mamandandyrylǵan sot alqasynyń múshesi boldy.