Ernar Qurmashev Almaty qalasy ákiminiń shtattaǵy kreatıvti ekonomıka jónindegi keńesshisi bolyp taǵaıyndaldy, dep habarlady qala ákiminiń baspasóz qyzmeti.

Ernar Qurmashev 1984 jyly 18 jeltoqsanda týǵan. Sátbaev atyndaǵy QazUTÝ-in támámdaǵan, AQSH-taǵy New York Film Academy-de taǵylymdamadan ótken. Kazakhstan Computer Graphics JSHS basshysy, Astana Film Fund kınokompanıasynyń dırektory, Almaty Film Festival halyqaralyq kınofestıvaliniń bas prodúseri bolyp jumys istegen.

Almatynyń mádenıet basqarmasynyń basshysy, Ulttyq kınony qoldaý memlekettik ortalyǵy basqarma tóraǵasynyń orynbasary qyzmetterin atqarǵan. 2021 jyldyń sáýir aıynan "Qazaqstannyń kreatıvti kásipkerler qaýymdastyǵy" ZTB basqarma tóraǵasy boldy.

"Tomırıs", "Anaǵa aparar jol", "Kanıkýly off-line", "Raıony", "Bıznesmender" sıaqty birqatar qazaqstandyq fılmderdiń prodúseri retinde jumys jasady.