Amazon, eBay, Ticketmaster sıaqty iri saıttar ǵalamdyq CDN qatesine baılanysty jumys istemeı qaldy. Ǵalamdyq úzilis Amazon, Reddit jáne Twitch sıaqty birqatar iri veb-saıttarǵa áser etti.

Financial Times, Guardian jáne New York Times sıaqty jańalyqtar agenttigi de offlaın kúıinde boldy.

Keıinirek kóptegen iri veb-saıttardyń negizin qalaıtyn esepteý provaıderi – Fastly problemalarǵa sebep bolǵany málim boldy.

Kompanıa mazmundy jetkizýdiń ǵalamdyq jelisine (CDN) qatysty máseleler bar ekenin jáne túzetýdi júzege asyryp jatqanyn aıtty.

Málimdemede "Biz búkil álem boıynsha problema týdyrǵan sebepti anyqtadyq. Bizdiń ǵalamdyq jelimiz onlaın rejıminge qaıtyp keledi" dep habarlandy.

Ǵalamdyq úzilis bir saǵatqa sozyldy. Problema CNN jáne Twitch jáne Hulu saıttaryna da áser etti. Bul úzilis basqa qyzmetterdiń keıbir bólikterin, sonyń ishinde Twitter emodzılerine de yqpal etti.

Veb-saıttar bir saǵattaı jumys istemeı turǵannan keıin qalpyna keltirile bastady.