12 maýsymda Maqpalsaı shatqalynan Túrkistan oblysy taýlarynda joǵalyp ketken bir adamnyń denesi tabyldy. Bul týraly tótenshe jaǵdaılar mınıstrliginiń baspasóz qyzmeti habarlady.
Shatqal teńiz deńgeıinen 1000 metr bıiktikte ornalasqan. Taýly releftiń, jartasty betkeılerdiń kóptiginen deneni tikushaqpen tasymaldaý múmkin bolmaǵan. Respýblıkalyq jedel-qutqarý jasaǵynyń qutqarýshylary Ógem ózeni arqyly ótetin ótkeldi (aǵys jyldamdyǵy sekýndyna 20 metr) jaıaý júrip, máıitke qaraı jyljyǵan.
"Respýblıkalyq jedel-qutqarý jasaǵynyń qutqarýshylary máıitti áýe kemesine deıin jaıaý kóterip aparyp, júkshyǵyrdyń kómegimen áýe kemesine kóterdi. Tabylǵan múrde saraptama júrgizý úshin polısıa qyzmetkerlerine tapsyrdy. İzdeý jumystaryna Túrkistan oblysy tótenshe jaǵdaılar jáne polısıa departamentteriniń, ulttyq qaýipsizdik komıteti shekara qyzmetiniń, orman sharýashylyǵynyń, Ózbekstan Respýblıkasy tótenshe jaǵdaılar mınıstrliginiń 127 qyzmetkeri, 15 birlik tehnıka, 3 kvadrokopter, 3 kınologıalyq esep, 1 tikushaq jáne joǵalǵan týrıserdiń týystary jumyldyryldy. İzdeý jumystary segiz baǵyt boıynsha júrgizilýde" delingen habarlamada.
21 mamyrda Túrkistan Saıram-Ógem memlekettik ulttyq tabıǵı parkiniń aýmaǵynda 7 adam joǵalǵan. 28 mamyrda olardyń úsheýi din-aman tabyldy, 29 mamyrda eki týrısiń máıiti tabylǵan. Taǵy bir týrıs Qýanysh Toqtasynnyń denesi 12 maýsymda tabyldy. Bir adam izdestirilip jatyr.
