Reseı prezıdenti Vladımır Pýtın prezıdenttikten ketetin bolsa elde eshqandaı ózgeris bolmaıtynyn aıtty. Bul týraly RIA Novostı saıty habarlady. 

Pýtın prezıdenttik jumysyn endi bastaǵan 2000 jyldardaǵy Reseıdiń qandaı bolǵanyn esine aldy.

–  Reseıdiń egemendigin, aýmaqtyq tutastyǵyn saqtaý sheginde teńdesti. Buryn kedeılik sheginen tómen azamattardyń sany orasan bolatyn. Qazir jaǵdaı basqasha. Árıne kóptegen problemalar bar, biraq jaǵdaı ózgergen. Osy ýaqyt ishinde bılik terorızmdi tolyqtaı tunshyqtyra aldy. Keıin meniń ornyma basqa adam keledi. Nelikten munyń bári quldyraýy kerek, – dedi Pýtın. 

Onyń aıtýynsha, saıası sahnada ártúrli kózqarastaǵy adamdar paıda bolýy múmkin. Ol óz taǵdyryn el taǵdyrymen baılanystyrǵan.

– Men úshin Reseıdi nyǵaıtýdan mańyzdy mindet joq. Eger elge adal jáne búkil ómirin otan úshin qurban etýge daıyn, syndarly kózqarasy bar adam bolsa, ol barlyq qoldaýǵa ıe bolady. Árıne bul tabıǵı proses. Bárimizdiń ornymyzǵa basqa adam keledi. Biraq men Reseı memlekettiliginiń, Reseı ekonomıkasynyń, saıası júıesiniń irgeli negizderi onyń aıaǵyna nyq turyp, bolashaqqa senimmen qaraıtynyna senimdimin, – dedi Pýtın.