Nursultan Nazarbaev "Samuryq-Qazyna" ulttyq ál-aýqat qory" AQ basqarma tóraǵasy Almasadam Sátqalıev pen "Lýkoıl" kompanıasynyń prezıdenti Vagıt Alekperovti qabyldady. Bul týraly elbasy.kz saıty habarlady.

Saıt málimetinshe, kezdesýde munaı-gaz salasyndaǵy áriptestikti damytý máseleleri men ınvestısıalyq jobalardy júzege asyrý jospary talqylanǵan.

– "Lýkoıl" kompanıasy – Qazaqstanda burynnan kele jatqan iri ınvestorlardyń biri. Sizder "Teńiz", "Qarashyǵanaq" sıaqty ken oryndarynda jumys isteısizder, "Kaspıı qubyr konsorsıýmynyń" ınfraqurylymdyq jobasyna qatysyp jatyrsyzdar, – dedi Nazarbaev.

V.Alekperov Elbasyǵa birlesken jobalardy iske asyrý, sonyń ishinde Kaspıı teńizindegi birqatar ken oryndaryn ıgerý arqyly Qazaqstan ekonomıkasyna salynatyn ınvestısıa kólemin arttyrý jospary týraly aıtqan.