Qazaqstanda sońǵy eki aptada jol apatynan 88 adam qaza tapty. Bul týraly ishki ister mınıstrliginiń resmı ókili Nurdildá Oraz málimdedi.  

Mınıstrlik ókili jol-kólik oqıǵasynan qaıtys bolǵandardyń arasynda 8 kámeletke tolmaǵan bala baryn aıtty.  

– Eńbek demalysy kezeńi kelisimen avtokólik qozǵalysynyń jıiligi ósip otyr. Sonyń áserinen kólikten keletin qaýip-qater artty. Keıingi 2 aptada 428 jol-kólik oqıǵasy kezinde 88 adam kóz jumyp, taǵy 505 adam jaraqat aldy. Onyń ishinde 92 kólik apatynda kámelet jasyna tolmaǵan 8 bala qaıtys bolyp, 102-si zardap shekti. Qaıtys bolǵandar men zardap shekkenderdiń úshten biri jaıaý júrginshiler ,– dedi Nurdildá Oraz.

Onyń aıtýynsha, júrgizýshiler men jaıaý júrginshilerdiń jol erejesin saqtamaýy jol apattarynyń negizgi sebebi bolyp otyr 

– Qala syrtyndaǵy joldarda bolatyn apattardyń kisi ólimi kórsetkishi joǵary. Júrgizýshiler jyldamdyq rejımin saqtamaı jáne qarsy baǵytpen júrýi sebep. Al eldi-meken aýmaqtaryn jaıaý júrginshi jolaǵyn kesip jáne jyldamdyqty arttyrý deregi jıi tirkeledi, – dedi N. Oraz.