Premer-mınıstr orynbasary Eraly Toǵjanov Nur-Sultan qalasynda "úndi" shtammynyń anyqtalýyna baılanysty karantın sharalary kúsheıtiletinin eskertti.

– Elde epıdemıologıalyq jaǵdaı turaqty. Koronavırýspen aýrý deńgeıi 1,7 esege tómendedi. Koronavırýs ınfeksıasynyń jańa shtammdary jedel taralýda. Nur-Sultanda júrgizilgen skrınıngtiń aldyn ala nátıjesi vırýstyń mýtasıasyn anyqtady, ol "delta" shtamyna tán ekenin kórsetip otyr. Osyǵan baılanysty óńir ákimderinen epıdemıologıalyq ahýaldy baqylaýdy kúsheıtýdi suraımyz. Bosańsýǵa eshqandaı negiz joq, – dedi ol.

Onyń aıtýynsha, búgin koronavırýstyń taralýyn tejeý jónindegi vedomstvoaralyq komısıanyń otyrysy ótkizilip, óńirlerde, onyń ishinde eń aldymen Nur-Sultanda epıdemıologıalyq talaptardy kúsheıtý jónindegi is-sharalar qabyldanady.

– Barlyq ákimder adamdar kóptep jınalatyn oryndarda, ásirese demalys oryndarynda sanıtarlyq talaptardyń, áleýmettik qashyqtyqtyń, maska rejıminiń qatań saqtalýyna basa nazar aýdarýǵa tıis.

Óńirlerde monıtorıń toptardyń jumysyn kúsheıtý qajet, qoǵamdyq oryndarda adamdardy ‎Ashyq qosymshasymen tekserý talabyn kúsheıtý kerek.