Aqtóbe oblysynda úsh adam jol apatynan kóz jumdy. Bul týraly Polisia.kz saıty habarlady.
Qaıǵyly oqıǵa 21 maýsym kúni saǵat 17:21 shamasynda bolǵan. Qarabutaq-Qostanaı avtojolynyń 171 shaqyrymynda Lifan avtokóliginiń 57 jastaǵy júrgizýshisi qarsy qozǵalysqa arnalǵan jolaqqa shyǵyp MAN júk avtokóligimen soqtyǵysqan.
Saldarynan Lifan avtokóliginiń júrgizýshisi, 41 jáne 62 jastaǵy eki jolaýshy qaıtys boldy.
Kólikte bolǵan 52 jastaǵy áıel men 48 jastaǵy er adam Áıteke bı aýdandyq aýrýhanasyna jetkizilgen.
Pikir qaldyrý