Qazaqstannyń tuńǵysh prezıdenti Nursultan Nazarbaevtyń tóraǵalyǵymen "Samuryq-Qazyna" ulttyq ál-aýqat qoryn basqarý jónindegi keńestiń otyrysy ótti. Bul týraly elbasy.kz saıty habarlady.

Jıynda keńes sheshimderiniń oryndalý nátıjeleri boıynsha baıandamalar tyńdalyp, qordyń bolashaq ınvestısıalyq jobalarynyń baǵyttary talqylandy.

"Nursultan Nazarbaev "Samuryq-Qazyna" ulttyq ál-aýqat qory" aksıonerlik qoǵamy basqarmasynyń tóraǵasy A.Sátqalıevtiń aqparatyn tyńdaı kele, qor jumysyna oń baǵa berdi. Dúnıejúzilik daǵdarystyń Qazaqstan ekonomıkasyna áserine qaramastan, qor 2020 jyldy tabysty aıaqtaǵany aıtyldy.

Keńes músheleri "Samuryq-Qazyna" ulttyq kompanıasynyń satyp alý kezindegi jergilikti úlesti arttyrýǵa baǵyttalǵan tásilderine, sondaı-aq otandyq taýar óndirýshilerdi qorǵaý sharalaryna qoldaý bildirdi. Ulttyq ál-aýqat qoryn basqarý jónindegi keńestiń tóraǵasy pandemıa jaǵdaıynda úkimet ulttyq ekonomıkany qoldaý úshin barlyq tetikterdi belsendi ári tıimdi paıdalanyp jatqanyn atap ótti" delingen resmı saıt habarlamasynda.

Sonymen qatar keńes barysynda "Qazmunaıgaz" ulttyq kompanıasy" aksıonerlik qoǵamy men "Qazaqtelekom" aksıonerlik qoǵamy basshylarynyń esebi tyńdaldy.

Jıyn qorytyndysy boıynsha ulttyq ál-aýqat qoryn basqarý jónindegi keńestiń tóraǵasy birqatar naqty tapsyrma berdi.