Premer-mınıstrdiń orynbasary Eraly Toǵjanov "Delta" (Úndi) shtammyna tán COVID-19 mýtasıasynyń anyqtalýyna baılanysty elde lokdaýn rejımi engizilmeıtinin málimdedi.
– Respýblıka aýmaǵynda lokdaýn rejımin engizý máselesin kórip turǵanym joq. Keshe vedomstvoaralyq komısıanyń (VAK) otyrysynda Nur-Sultan qalasynda naqty shekteý sharalaryn qabyldadyq. Qazir qabyldanǵan sharalarmen jumys isteýdemiz. Naqty sheshim qabyldaý epıdemıologıalyq jaǵdaıǵa baılanysty, – dedi Toǵjanov.
Buǵan deıin Nur-Sultanda "Úndi" shtammyna tán COVID-19 mýtasıasynyń anyqtalýyna baılanysty VAK qalanyń bas sanıtar dárigerine karantındik shekteý sharalaryn kúsheıtýdi tapsyrǵan bolatyn.
Pikir qaldyrý