Almaty ákimi Baqytjan Saǵyntaev ortalyq komýnıkasıalar qyzmetinde kartop, sábiz jáne qyryqqabat syndy azyq-túliktiń qymbattaýyna qatysty pikir bildirdi. 

– Bul máselemen 2 jyl boıy aınalysyp kelemiz. Byltyr iri saýda jelilerine nemese óndirýshilerge jeńildetilgen nesıe berý kezinde aınalym sqemasyn engizdik, olar baǵany belgili bir deńgeıden kótermeýge mindetteme alady. Osylaısha azyq-túlik baǵasynyń ósýin tejeımiz.

Maýsym aıynda kartop, sábiz, qyryqqabat jáne basqa da ónim túrlerine baǵa ósti. Bul ónimniń jetispeýshiliginen boldy. Biraq Túrkistan oblysymen barlyq ónim túrin jetkizýmen jáne qant ónimi boıynsha Aqsý zaýytymen jumys isteımiz, – dedi Saǵyntaev.

Qala ákimi qalada azyq-túlik baǵasyn turaqtandyrý jumystary bastalǵanyn aıtty.