Nur-Sultan qalasynyń ákimi Altaı Kólginov "Delta" (úndi) shtammynyń anyqtalýyna baılanysty aýrý sany kúrt óskenin habarlady.

– COVID-19 indetin juqtyrǵan adamdardyń sany mamyr aıynda 10 myńnan asqan bolsa, maýsym aıynyń basynda birshama turaqtalyp, 2 myń jaǵdaıǵa deıin azaıǵan. Alaıda maýsym aıynyń ortasynan bastap vırýstyń "Delta" shtammynyń anyqtalýyna baılanysty aýrýdyń kúrt ósýi baıqaldy. Sońǵy aptada 3500-ge jýyq jaǵdaı anyqtaldy. Orta eseppen kúnine 500-ge jýyq jaǵdaı tirkeldi, – dedi ákim.

Onyń aıtýynsha, epıdemıologıalyq jaǵdaıdy turaqtandyrý úshin vaksınasıalaý sharalary kúsheıtilgen. Birinshi jáne ekinshi komponentteri boıynsha barlyǵy 365 myńnan astam adam ekpe saldyrǵan.

– Qabyldanǵan sharalardyń nátıjesinde vaksına alýǵa nıet bildirgenderdiń sany 5 esege artty. Eger mamyr aıynyń ortasynda kúnine 1000-1500 adam vaksına saldyrsa, maýsym aıynyń qazirgi kúnderi 7 myńnan astam adam vaksına saldyrýda. Stasıonlarlarda dári-dármek pen medısınalyq qural-jabdyqtardyń jetkilikti qory qalyptastyrylǵan, – dep atap ótti Altaı Kólginov.