Almaty oblysynda 57 jastaǵy áıel týǵan anasyn óltirdi degen kúdikke ilindi. Bul týraly Polisia.kz  saıty habarlady.

Almaty oblystyq polısıa departamenti baspasóz qyzmetiniń habarlaýynsha, oqıǵa İle aýdanynda bolǵan. 77 jastaǵy áıeldiń joldasy habarlasyp, jarynyń múrdesi ýaqytsha salynǵan úı jertólesinen tabylǵanyn jetkizgen.

Jaýap alý kezinde kúdikti anasyn óltirgenin moıyndap, onyń denesin jasyrǵan jerdi kórsetti. Belgili bolǵandaı, ishimdikke masaıǵan áıel anasymen janjaldasyp, oǵan pyshaqpen tap bergen. Ol anasyn óltirgennen keıin máıitti úıdiń jertólesine jasyrǵan.

Atalǵan is qylmystyq kodekstiń 99-baby 1-bóligi (adam óltirý) faktisi boıynsha tirkeldi. Tergeý kezeńinde kúdikti qamaýǵa alyndy, oǵan 8 jyldan 15 jylǵa deıingi merzimge bas bostandyǵynan aıyrý jazasy kesilýi múmkin.