Qazaqstannyń bas sanıtar dárigeri Erlan Qıasov koronavırýs ınfeksıasynyń taralýyn aldyn alý maqsatynda jańa qaýly jarıalady. 

Qaýly 2 shilde saǵat 00:00-den bastap kúshine enedi.

Tómende kórsetilgen uıymdardyń vaksınasıalanbaǵan jumyskerleri (turaqty medısınalyq qarsy kórsetilimderi bar jáne sońǵy 3 aı ishinde COVID-19-ben aýyryp jazylǵan adamdardy qospaǵanda) (7 kúnde 1 ret) mindetti PTR-testileýden ótýi qajet:

• Halyqqa qyzmet kórsetý ortalyqtary (HQKO), "Qazposhta" AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanıalary, jyljymaıtyn múlik jónindegi agenttikter, jarnama agenttikteri, lombardtar;

• sulýlyq salondary, shashtarazdar, hımıalyq tazalaý oryndary, fıtnes, sport keshenderi, sporttyq-saýyqtyrý ortalyqtary;

• SPA jáne massaj salondary/ortalyqtary/kabınetteri, monshalar, saýnalar, baseınder, jaǵajaılar;

• tigin atelesi, fotosalondar, aıaq kıim sheberhanalary, gúl dúkenderi;

• advokat, notarıýs, býhgalter jáne konsaltıń, manıkúr jáne pedıkúr, kosmetologıalyq qyzmetterdi kórsetý jónindegi obektiler;

•  

  halyq tutynatyn ónimderdiń jáne taýarlardyń kóterme jáne bólshek saýdasy obektileriniń, onyń ishinde bazarlardyń, saýda úıleriniń, saýda jelileriniń, saýda-oıyn ortalyqtarynyń, dúkenderdiń, shaǵyn marketterdiń, sýpermarketterdiń, gıpermarketterdiń qyzmetkerleri; 

• mádenıet jáne demalys obektileriniń (mýzeıler, mýzeı-qoryqtar, kitaphanalar, konserttik uıymdar, fılarmonıalar, teatrlar, kınoteatrlar, konsert zaldary, klýbtar, galereıalar, kórmeler, sırkter jáne basqa da mádenı-demalys uıymdary) qyzmetkerleri; 

• qonaq úıler, otelder, hostelder, motelder, jataqhanalar, kempıngter jáne taǵy basqalar; 

• jolaýshylar tasymalyn júzege asyratyn uıymdardyń, áýejaılardyń, temirjol, avtomobıl jáne sý vokzaldarynyń, ózen jáne teńiz porttarynyń, avtostansıalar/avtoótpe joldarynyń, jolaýshylarǵa qyzmet kórsetý pýnktteriniń qyzmetkerleri; 

• bilim berý jáne tárbıeleý uıymdarynyń, onyń ishinde bilim berý damytý jáne túzetý ortalyqtary; 

• sanatorıı-kýrorttyq jáne saýyqtyrý maqsatyndaǵy obektiler; 

• qoǵamdyq tamaqtaný obektileriniń, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektilerdiń, strıt-fýdtar qyzmetkerleri; 

• barlyq úlgidegi medısınalyq-áleýmettik obektiler (qarttar, múgedekter úıleri, sábıler úıleri jáne basqalary); 

• densaýlyq saqtaý uıymdary, onyń ishinde zerthanalar, dárihana qyzmetkerleri; 

• kompúterlik klýbtar, bılárd zaldary, boýlıńter, oıyn-saýyq ortalyqtary/saıabaqtary, atraksıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar.