Densaýlyq saqtaý mınıstrligi elde bir táýlikte 2590 adamnan koronavırýs, 76 adamnan pnevmonıa anyqtalǵanyn habarlady.

24 naýqas koronavırýstan, 3 naýqas pnevmonıadan kóz jumǵan.

2 shildedegi málimet boıynsha, 27 261 adam koronavırýs ınfeksıasynan emdelńp jatyr. Olardyń ishinde 8 255 pasıent stasıonarda, 19 006 naýqas ambýlatorıalyq deńgeıde em qabyldaýda.

İndetke shaldyqqandar arasynda 517 adamnyń jaǵdaıy aýyr, 118 pasıenttiń jaǵdaıy óte aýyr, 72 naýqas ÓJJ apparatynda jatyr.

Qazaqstanda sońǵy aptalarda koronavırýstyń mýtasıaǵa ushyraǵan úndi shtammynyń taralýyna baılanysty indet juqtyrý jaǵdaılary artqan.

Bılik azamattardy vaksına saldyrýǵa shaqyryp, vaksınasıaǵa kópshilikti yntalandyrý maqsatynda respýblıka boıynsha túrli utys oıyndary uıymdastyrylyp, jeńildikter qarastyrylyp jatyr. Sondaı-aq bas sanıtar dáriger jańa qaýly shyǵaryp, barlyq derlik kásipkerlik nysandarǵa qyzmetkerlerin vaksına saldyrýǵa mindettedi. Vaksına saldyrǵan qyzmetkerler ár apta saıyn óz qarajatyna PTR test tapsyryp turýǵa tıis.

2 shildedegi málimet boıynsha Qazaqstanda vaksınanyń I komponentin 3 502 814 adam, II komponentin 2 085 919 adam saldyrǵan.