Elbasy Nursultan Nazarbaev Qazaqstandaǵy opozısıany usynar eshnársesi joq dep synady.

– Men oppozıasıa degenderdiń barlyǵynan baǵdarlamalaryń qaıda, Qazaqstandy qaıda aparasyńdar dep suraımyn. Eger olardyń jobasy men jasaǵannan jaqsy bolsa, kúreseıik. Biraq naqty usynys joq. Sizder jýrnalıser bilesizder ǵoı, kimniń ne aıtyp júrgenin, – dedi Nazarbaev "Shtrıhı k portretý" derekti fılminiń kezekti bóliminde.  

N.Nazarbaev Qazaqstan batystaǵydaı demokratıa qurýdyń bastapqy qadamynda tur degen pikirde.

– Kóppartıaly júıe joq deıdi. Partıaǵa deıin ónip-ósý kerek. Belgili bir elektorat bolýy kerek. Partıa qoldan jasalmaıdy ǵoı. Biz demokratıaǵa kele jatyrmyz. Bastysy –  toqtamaý kerek. Bizdiń maqsat – batystaǵydaı demokratıaǵa qol jetkizý. Al biz áli bastapqy joldamyz. Myna jaǵymyzda Qytaı, myna jaǵymyzda Reseı tur. Olaryń demokratıasy porovoz aldyna shyǵyp ketti me... Al ol memleketterdiń bizge yqpaly kúshti. Qyrǵyzdardy aıtatyn bolsaq, osy 30 jylda ne boldy? Men ár prezıdentti qoldadym. Aqsha, kredıt usyndyq. Osy ýaqytta birnerse isteı aldy ma? Eshteńe jasalmady. Sondyqtan ekonomıka ómir tiregi, ekonomıka adamdardyń ómiri, qazaqstandyqtardyń ál-aýqaty. Biz osyny jasap jatyrmyz. Ýaqyt keledi. Bári bolady. Biz árkez asyǵystyq tanytamyz, – dedi N.Nazarbaev.

Nazarbaev opozısıany "naqty eshteńe usynbaıdy", "kelissóz ústeline otyrmaıdy, máseleni talqylamaıdy" dep jıi synaıdy. Al opozısıa Nazarbaev 30 jyl boıy qurǵan júıeni qulatýdy kózdeıdi. Máselen, sheteldegi oppozısıoner Muhtar Áblázov prezıdent qyzmetin alyp tastap, eldi parlamettik respýblıkaǵa aınaldyrǵysy keledi. Al jaqynda Qazaqstannyń jańa konstıtýsıasynyń jobasyn usynǵan Demokratıalyq partıa bastamashyl toby Qazaqstanda prezıdenttiń saılaný merzimin birden asyrmaý týraly usynys aıtty.