Qazaqstannyń belgili aıtysker aqyny Áselhan Qalybekova qaıtys boldy. Bul týraly aqyn Birjan Aıtýov facebook paraqshasynda habarlady.

"Alashtyń aıaýly aqyny Áselhan Qalybekova apamyz bul jalǵanmen qoshtasty. Barsha qazaq eline qaıǵyryp kóńil aıtamyz. Janaza ýaqytyn qosymsha habarlaımyz" dep jazdy Birjan Aıtýov.

Áselhan Qalybekova 1950 jyly 22 sáýirde Ońtústik Qazaqstan oblysy Otyrar aýdanynda dúnıege kelgen.

Jazýshylar odaǵy Jambyl atyndaǵy syılyǵynyń tuńǵysh ıegeri (1989) bolǵan.

Qazaq KSR Joǵarǵy Soveti Prezıdıýmynyń qaýlysymen Qazaq KSR – nyń Halyq aqyny qurmetti ataǵy berilgen (1990 j. 6 sáýir).

Áselhan Qalybekovanyń “Otyrar aspany” (1994), “Basyńdy tikpeı baq qaıda?!” (1990-2000), “Alladan pármen suraǵan” (2000), “Syrttan ketken tamyrlar” (2004), “Jyr-SHapaǵat” (2008), “ Áselhan Álemi” (2008) atty kitaptary jaryq kórgen.