Qaraǵandy oblysy Ulytaý aýdany Jangeldi, Aqtas, Amangeldi aýyldyq okrýgterinde dala órtterine baılanysty tótenshe jaǵdaı rejımi jarıalandy. Bul týraly oblys ákiminiń resmı saıty habarlady.
"Órt dalaǵa taraýda. Qazirgi ýaqytta aýyldar zardap shekken joq. Jaǵdaı Qaraǵandy oblysy TJD turaqty baqylaýynda.
Órtti joıý boıynsha operasıany basqarý TJ bolyp jatqan aýdanǵa kelip jetken oblys ákiminiń orynbasary Serik Shaıdarovqa tapsyryldy. Maly qyrylǵan nemese jaıylymdary órtenip ketken fermerlerdiń zalalyn baǵalaý jóninde komısıa quryldy" delingen habarlamada.
Órt sóndirýge 216 adam jáne 28 birlik tehnıka tartylǵan.
Pikir qaldyrý