Jambyl oblysynyń Bas sanıtar dárigeri B. Shınalıev karantındik shekteý sharalaryn qatańdatý týraly jańa qaýly jarıalady. 

Qaýlyǵa sáıkes:

• Oıyn-saýyq, sporttyq is-sharalardy, kórmelerdi, forýmdardy, konferensıalardy, sondaı-aq otbasylyq, saltanatty, estelik is-sharalardy (banketter, úılený toılary, mereıtoılar, eske alý), onyń ishinde úıde jáne adamdar kóp jınalatyn ózge de is-sharalardy ótkizýge tyıym salynady;
• 5 jasqa deıingi balalardy, sondaı-aq, qoǵamdyq tamaqtaný oryndarynda tamaqtaný jaǵdaılaryn qospaǵanda, áleýmettik qashyqtyqty saqtaı otyryp, qoǵamdyq oryndarda jáne úı-jaılarda, qoǵamdyq kólikte betperde kıý talaptary saqtaýly tıis;
• Jambyl oblysynyń aýmaǵynda "Ashyq" jobasyna qatysatyn áleýmettik-ekonomıkalyq obektilerdiń qyzmeti shekteledi;
• Árbir reıs aldynda qoǵamdyq kóliktiń, áýejaılardyń, temirjol jáne avtovokzaldardyń, qoǵamdyq kólik aıaldamalarynyń t. b. nysandaryna dezınfeksıa jumystary júrgizilýi tıis;
• saýda-oıyn-saýyq ortalyqtary, bazarlar, HQKO, monshalar, dinı maqsattaǵy, komýnaldyq sharýashylyq, tamaq ónerkásibi, qoǵamdyq tamaqtaný obektileri, vokzaldar, áýejaılar, qyzmet kórsetý salalary (sulýlyq salondary, atele jáne basqalar) kúsheıtilgen sanıtarıalyq-dezınfeksıalyq rejımdi saqtaı otyryp jumys isteıdi.

Qaýly 7 shilde saǵat 00:00-de kúshine enedi.