Almatydaǵy Demokratıalyq partıa bastamashyl toby jaqtastarynyń mıtıńinde birneshe belsendi ustalyp, taǵy birneshesi jaralandy. Bul týraly belsendi, jýrnalıs Inga Imanbaı óziniń Facebook paraqshasynda habarlady.

Jýrnalısiń aıtýynsha, Yrysbek Toqtasyn, Dáýren Dostıarov, Ýálıhan esimdi úsh belsendini polısıa ustap alyp ketken. Belsendiler Abzal Dostıarov, Temirtas Naǵımýtýllaev soqqyǵa jyǵylǵan. Olarǵa jedel járdem kómegi qajet.

Almatydaǵy Balýan Sholaq atyndaǵy sport saraıynyń mańynda Demokratıalyq partıa bastamashyl toby jáne olardyń jaqtastary 6 saǵattan beri polısıa qorshaýynda tur. Belsendiler "qymbatshylyq pen Qytaı ekspansıasyna qarsylyq", Nursultan Nazarbaev bılikten ketsin degen uranmen mıtıńe shyǵyp, polısıa qorshaýynda qalǵan.

Aýmaqta jaıaý júrginshiler joly shektelgen. Internet baılanysy múlde istemeıdi.

Belsendiler Qazaqstanda Qytaı ekspansıasy agressıvti túrde júrip jatqanyn, Qazaqstan aýmaǵyndaǵy Qytaı ınvestorlary óndiris oryndarynda jergilikti halyq quqyǵyn taptap jatqanyn aıtty. Qytaılyq kompanıalardaǵy jergilikti jumysshylardyń jalaqysy qytaı mamandardan edáýir az ekenin, sondaı-aq jergilikti jumysshylar tek qarapaıym jumysqa alynatynyna narazylyq tanytty. Olardyń sózinshe, Almaty – Óskemen avtojoly qurylysynda ter tógip júrgen jergilikti jumysshylar jalaqysynyń azaıýy sondaı jaǵdaılardyń biri ǵana.

Sondaı-aq belsendiler qymbatshylyq halyqty tıtyqtatyp jibergenin aıtyp, baǵanyń yryq bermeı otyrǵanyna bılikti kinálady. Nursultan Nazarbaevtyń týǵan kúnimen tuspa-tus keletin 6 shilde – Astana kúnin "mereke dep sanamaımyz", "6 shilde qasiretti kún", "Qazaqstan monarhıaǵa aınalyp bara jatyr" dep málimdedi.

Narazy top birneshe márte qorshaýdan shyǵýǵa áreket jasaǵanymen, arnaıy jasaqtan óte almady. Sondaı áreketterdiń birnesheýinde belsendiler men arnaıy jasaq qaqtyǵysqa túsip, belsendi Danaıa Kalıeva qolyn, Yrysbek Toqtasyn aıaǵyn jaralap aldy.

Alańda betterin tumshalap, vıdeoǵa túsirip júrgen azamattyq kıimdegi adamdar kóp boldy. Belsendiler olardy "arandatýshylar", "qarabetter" dep ózderiniń mańyna jolamaýdy talap etti. Alaıda ol adamdar áreketterin jalǵastyrýyn toqtatpady. Sondaı sátterdiń birinde belsendiler emosıaǵa erip berip qolyndaǵy bótelkelerin, plakattaryn belgisiz adamdarǵa qaraı sermep, qaqtyǵysa jazdady.

Narazy azamattar "alańǵa qıratý, búldirý úshin emes, óz pikirin bildirý úshin shyqtyq" deıdi. Arasynda buǵan deıin mıtıńke shyǵýǵa oqtalǵanymen, uıalyp júrgenin, osy joly táýekelge bas tigip alańǵa kelgenin aıtqan, "mıtıń shyqqanyna bola jua talpler jtalpler-degýstasıa, belaaanyna bola jumy sharis, belaau Olar "dıktatorlyq rejım máńgi turmaıtynyn" atap ótip, azamattardy oıyn bildirý úshin alańǵa kelýden qoryqpaýǵa, qatarlaryna qosylýǵa úndedi.