Sýǵa shomylý kezeńi – 1 maýsymnan bastap óz kúshterin durys baǵalamaý, mas kúıde sýǵa shomylý, shomylýǵa tyıym salynǵan jerlerde balalardy úlkenderdiń qaraýynsyz qaldyrý sekildi jaǵdaılardyń saldarynan 149 adam, onyń ishinde 52 bala sýǵa batyp qaıtys bolǵan. Sýǵa batqandardyń eń kóp sany – Almaty (19), Túrkistan (16), Shyǵys Qazaqstan (15) jáne Aqmola (14) oblystarynda tirkelgen.

Sýǵa shomylý kezeńi bastalǵaly 111 adam, onyń ishinde 23 bala qutqarylǵan.

Sý aıdyndarynda adamdardyń qaza bolýyna jol bermeý maqsatynda mınıstrlik tarapynan 407 myńnan astam úgit-nasıhat ónimi (býkletter, paraqshalar) taratyp, 2 myńǵa jýyq jıyn ótkizgen.

Mınıstrilik azamattardy sý aıdyndaryndaǵy qaýipsizdik erejeleriniń talaptaryn saqtaýǵa shaqyryp, tómendegideı erejelerdi qatań ustanýǵa úndeıdi.

- sýǵa mas kúıde shomylmaýǵa;

- qaıyqtardan, katerlerden, aılaqtardan, sondaı-aq osy maqsattarǵa beıimdelmegen qurylystardan sýǵa sekirmeýge;

- tekserilmegen jáne jabdyqtalmaǵan jerlerde súńgimeýge;

- júzý shekarasyn belgileıtin aýmaqtan tys júzbeýge;

- tek júzýge arnalǵan zattarmen júzýge;

- eresekterdiń qaraýynsyz balalarǵa sýǵa jibermeýge.

"Ár adam qaýipti jerlerdi jáne shomylatyn sý qoımasynyń erekshelikterin bilýi kerek, óıtkeni jabdyqtalmaǵan jerlerde tastar, sý basqan bóreneler, temir kesekteri, shyny jáne basqa zattar bolýy múmkin" delingen mınıstrlik málimdemesinde.