Bıyl 1,2 mln adam jumyspen qamtylady. Bul týraly premer-mınıstr Asqar Mamın úkimettiń keńeıtilgen otyrysynda aıtty.

– Halyqty jumyspen qamtý jáne kirisin qamtamasyz etý – úkimet jumysynyń basty basymdyǵy. Halyqty jumyspen qamtýǵa járdemdesý maqsatynda "Eńbek" baǵdarlamasy, Jumyspen qamtý jol kartasy, «Nurly jer», «Nurly jol» jáne jeke bastamalar da belsendi júzege asyrylyp jatyr. Tolyqtaı alǵanda bıyl jumyspen qamtý is-sharalarymen 1,2 mln adam qamtylady, – dedi Asqar Mamın úkimettiń keńeıtilgen otyrysynda.

– 2021 jyldyń 1 maýsymyndaǵy derekterge sáıkes, «Eńbek» baǵdarlamasy aıasynda 210 myń adam jumyspen qamtyldy. Onyń ishinde 107 myń adam turaqty jumysqa ornalasty. Jumyspen qamtý jol kartasy aıasynda 41 myń adam, onyń ishinde 28 myń adam turaqty jumysqa turdy.

«Nurly jer» «Nurly jol» baǵdarlamalaryn júzege asyrý shamamen 250 myń adamǵa, onyń ishinde 124 myń adamǵa turaqty jumys ornyn qurýǵa múmkindik berdi, – dedi premer-mınıstr.