Prezıdent Qasym-Jomart Toqaev keıbir jekelegen salalar mindetti túrde vaksına saldyrý qajettigin aıtty. 

– Ashyǵyn aıtý kerek, qazirgi vaksınaýıalaý jumysynyń qarqyny áli de mardymsyz, naqty qadamdar jasaý qajet. Túptep kelgende azamattarymyz óziniń jáne jaqyn týystarynyń densaýlyǵyn oılap, sanaly túrde sheshim qabyldaýy qajet. Antıvakserlerdiń qaýeset, dańǵaza áńgimelerine senýdiń qajeti joq. Sondyqtan biz ekpe salý naýqanyn jalǵastyramyz. Al keıbir jekelegen salalarda mindetti túrde vaksına saldyrý qajet bolady, – dedi Toqaev.  

Sondaı-aq memleket basshysy mindetti ekpe salý kezinde asyra silteý bolmaýy tıis ekenin aıtty.

– Bul – árkimniń óz otandastary aldyndaǵy mindeti, paryzy. Mynandaı eki máselege toqtalǵym keledi. Birinshiden, mindetti ekpe salý kezinde asyra silteý bolmaýǵa tıis. Medısınaq sebepterge jáne belgili bir jaǵdaılarǵa baılanysty ekpe saldyrmaıtyn adamdar bar. Memlekettik organdar, ásirese, monıtorıń júrgizý toptary osy máseleni eskerýi kerek, – dedi ol.