Nur-Sultan qalasynyń COVID-19 ınfeksıasyna qarsy vaksınasıalanǵan eki turǵyny iPhone12 telefonyn utyp aldy. Bul týraly astana.gov.kz saıty habarlady.

Saıt málimetinshe, elorda ákimdigi COVID-19 ınfeksıasyna qarsy vaksınasıalanǵandar arasynda iPhone12 telefonynyń eki danasyny, sol sıaqty túrli demeýshiler syılyqtarynyń utys oınyn ótkizgen.

"Birinshi utys oınyna vaksınasıa bastalǵan sátten bastap 6 shildege deıin ekpe saldyrǵandar qatysty. Onyń barysynda 259 myń 115 adam vaksına saldyrdy.

Elorda ákimdigi jazdyń sońyna deıin apta saıyn iPhone12 telefonynyń eki danasyn utysqa qoıady. Osylaısha jalpy sany 20 iPhone smartfony utysqa qoıylady" delingen habarlamada.

Aıta keteıik, elordada azamattardy vaksınasıalaýǵa yntalandyrý úshin baǵaly syılyqtardyń utys oıyndary uıymdastyrylyp jatyr.

Buǵan deıin Nur-Sultan qalasynyń ákimi Altaı Kólginov utysqa eki bólmeli páter qoıylǵanyn habarlaǵan. Oǵan osy jyldyń 25 maýsymy men 31 tamyzy aralyǵynda vaksınanyń birinshi komponentin qabyldaǵan 18 jastan asqan qala turǵyndary qatysa alady. Atalǵan utys oınyna barlyq saýda úıleri men medısınalyq mekemelerde vaksına saldyrǵandar qatysady. Ákimdik utys oıny demeýshilerdiń kómegimen júrgiziletinin aıtady.