Almatydaǵy úsh medısına mekemesiniń qyzmetkerleri PTR nátıjeleri men vaksınasıa tólqujattaryn qoldan jasaǵany úshin sottaldy, – dep habarlady Polisia.kz saıty.

Qalalyq krımınaldyq polısıa basqarmasynyń habarlaýynsha, eki jaǵdaıda "Dostar Med" jáne "Suńqar" dep atalatyn eki jeke medısına ortalyǵynyń qyzmetkerleri jalǵan qujattar jasaǵany úshin ustalǵan.

Sanymen qatar№4 polıklınıka qyzmetkerleriniń vaksınasıa pasportyn satqany jáne vaksınalardy zańsyz joıyp jibergeni anyqtaldy.

"Birinshi jaǵdaıda, klınıkadaǵy zerthana qyzmetkeri ortalyqtyń eki meıirbıkesiniń kómegimen aqshalaı syıaqy úshin teris nátıjemen bıomaterıaldy synamasyz PTR testin daıyndaǵan. Biraz ýaqyttan keıin "Suńqar" medısına ortalyǵynyń dáriger-endoksısti ustaldy, ol buryn alaıaqtyq úshin jaýapqa tartylǵan bolatyn. Jeke tintý kezinde PTR testileriniń nátıjeleri, sondaı-aq aqsha prosesýaldyq tártipte tárkilendi.

Sonymen qatar №4 qalalyq emhananyń aǵa meıirbıkesi ustaldy, ol 15 myń teńge kóleminde aqshalaı syıaqy alý úshin vaksına alǵandardy belgileý jýrnalyna jalǵan tirkeýmen aınalysqanyn moıyndady.

Atalǵan is qylmystyq kodekstiń 385-baby (Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý) boıynsha sotqa deıingi tergeýdiń biryńǵaı tizilimine tirkeldi. Qazirgi ýaqytta tergeý jumystary jalǵasýda" delingen aqparattyq habarlamada.