Qazaqstan musylmandary dinı basqarmasynyń basshysy, bas múftı Naýryzbaı qajy Taǵanuly Qurban aıt qarsańynda kásipkerlerge úndeý aıtty.

– Musylman qaýymynyń ulyq meıramy – Qurban aıtqa sanaýly kúnder qaldy. Ulyq kúnde ısi musylman balasy shynaıy nıetpen qurban shalyp, qurbandyq etin múgedekter men jetimderge, kópbalaly otbasylar men qarttarǵa taratyp, alǵysyn alýǵa tyrysady. Adamnyń alǵysyn alyp, batasyna bólený – saýapty istiń biri, – dedi bas múftı. 

Naýryzbaı qajy Taǵanuly eldegi barsha sharýa qojalyqtarynyń qojaıyndaryna mal qunyn kóterme baǵasyz jáne kásipkerler azyq-túlik baǵasyna jeńildikter jasaýdy surady.

– Aıt kúnderi halyq tarapynan mal satyp alýǵa degen suranystyń arta túsetini belgili. Osy rette eldegi barsha sharýa qojalyqtarynyń qojaıyndaryn ulyq meıram – Qurban aıttyń qurmetine mal qunyn sharyqtatpaı, halyqqa ońtaıly baǵany usynýǵa shaqyramyn. Sonymen qatar, barsha kásipkerlerdi turǵyndar kúnde tutynatyn áleýmettik mańyzy bar azyq-túlik baǵasyna múmkindiginshe jeńildik jasaýǵa úndeımin, – dedi ol.