Mal qyrylyp jatqan óńirlerge shóp jetkizip, kómektesýge úndep tanymal bolǵan Qurmet Talapqazynyń dosy delingen Súndet Murabekuly Seıitov degen Facebook jelisiniń qoldanýshysy Qurmettiń ózine kómek kerek ekeni týraly jazdy.

"QURMETKE QURMET KÓRSETÝ KEREK Bul jigit – meniń dosym. Birneshe jyldan beri jaqsy aralasamyz. Ózimde talaı qonaq boldy. Biraq, sodan bir jyldaı ýaqyt kórispeı kettik. Endi mine, meniń ózim ony ınternetten kórip, tańdanyp otyrmyn. Qaıbir jyly Qurmet aıaǵy synyp, aýrýhanaǵa túsip qalǵan bolatyn. Sodan Ardaq Orynbek dosym ekeýmiz shuǵyl tún ortasy Roshaǵa baryp, onyń jaıyn bildik. Bul – bizden bir estelik. Ol Qytaıdan atamekenine kelip, osy Shym qalany panalady. Daıyndyq kýrsynda oqyp, M. Áýezov atyndaǵy OQÝ-dyń stýdenti atandy. Keıinnen orys tilin bilmegeni úshin hám otbasylyq jaǵdaıdyń saldarynan oqýdan shyǵyp ketkenin estidim. Búgin bul jaıly aıtýdyń sáti túsip otyr. Qurmetke qurmet kórsetýimiz kerek. Aldymen óz mamandyǵynyń ıesi ekenin dáleldeıtin kýáligin (dıplom) áperip, sosyn oǵan Shymkentte turýǵa jaǵdaı jasaýymyz kerek. OQÝ-dyń rektory Darıa Kojamjarova apaıymyz shákirtiniń oqý jaǵdaıyn qalypqa keltirerine senimdimin. Apaıym buǵan beıjaı qara almaıtynyna esh kúmánim joq. Qurmetke qurmet kórsetýimiz kerek!" dep jazdy Súndet Seıitov.