– Bul tósekterde siz nemese sizdiń týystaryńyz jatýy múmkin. Mundaı jaǵdaıǵa jetkizbeńiz! Mán berip kórseńiz naýqastar sany az emes. İndet jasaryp barady.  Elimizdegi barlyq medısınalyq qaýymdastyqtyń atynan qazirgi jaǵdaıdan habardar bolǵandaryńyzdy qalaımyz. Aýyr jaǵdaıdaǵy naýqastar qatary kóp, kún saıyn qaıtys bolyp jatqandar bar. Balalar arasynda da aýyryp jatqandar kóbeıdi. Óz densaýlyǵyńyzǵa asqan jaýapkershilikpen qaraǵandaryńyzdy qalaımyz, – deıdi dárigerler.

Medısına qyzmetkerleriniń málimetinshe, reanımasıa bólimderindegi tósekter naýqastarǵa toly.

Qazaqstanda ótken táýlikte 4375 adamnyń koronavırýs testi oń nátıje kórsetken. Bul – pandemıa bastalǵaly elde tirkelmegen joǵary kórsetkish. Koronavırýstyń órshýin mamandar vırýstyń mýtasıaǵa ushyraǵan "Delta" shtamymen baılanystyrady. Vırýs ásirese Nur-Sultan (1128 - sońǵy táýlikte vırýs anyqtalǵandar sany), Almaty (640), Shymkent (342) qalalarynda, Qaraǵandy (589), Atyraý (320), Batys Qazaqstan oblystarynda (187) qatty taralyp jatyr.