Shyǵystanýshy, dintanýshy, fılologıa ǵylymdarynyń doktory Ábsattar qajy Derbisáliniń neden qaıtys bolǵany belgili boldy. 

Qajynyń ókiliniń habarlaýynsha, Ábsattar Derbisáli búgin 02:00 shamasynda ómirden ótken. Ol pnevmonıa jáne júrek talmasynan qaıtys bolǵan.  

Birer kún buryn onyń qatty syrqattanyp, jansaqtaý bóliminde jatqany habarlanǵan.

Ábsattar Baǵysbaıuly Derbisáli 1947 jyly 15 qyrkúıekte Ońtústik Qazaqstan oblysy Túlkibas aýdanynda dúnıege kelgen.

1969 jyly M.Áýezov atyndaǵy Ońtústik Qazaqstan memlekettik ýnıversıtetiniń fılologıa fakúltetin úzdik támámdaǵan.

1970-1975 jyldary KSRO Ǵylym Akademıasy Shyǵystaný ınstıtýtynyń aspırantýrasynda oqydy.

1975-1976 jyldary Marokko Koróldigi, 1985-1986 jyldary Týnıs Arab respýblıkasy ýnıversıtetterinde arab tili men ádebıeti boıynsha biliktilik arttyrýdan ótken.