Qazaqstanda balalarǵa Pfizer preparatyn egý josparlanýda. Vaksına Qazaqstanǵa 2021 jyldyń tórtinshi toqsonynda keledi dep kútilýde. Bul týraly sanıtarlyq-epıdemıologıalyq baqylaý komıtetiniń tóraǵasy Aıjan Esmagambetova málimdedi.
– 18 jasqa deıingi balalar bizde qoldanylatyn preparattarmen vaksınasıalanbaıdy. Pfizer vaksınasy 12 jastan asqan balalarǵa qoldanylady. Biz balalardy vaksınasıalaý múmkindigin qarastyryp jatyrmyz. Qazaqstanda olardyń sany 2 mln-ǵa jýyq, búginde "delta" shtammynyń taralýyn eskere otyryp, balalar jıi aýyrady dep aıtyp otyrmyz. Bizdiń mindetimiz tek eresekterdi ǵana emes, balalardy da qorǵaý. Bul rette balalardy vaksınasıalaý tek ata+analardyń, qamqorshylardyń nemese balalar ókilderiniń ruqsatymen ǵana júrgiziletinin atap ótkim keledi, – dedi Aıjan Esmagambetova.
Pikir qaldyrý