Prezıdent Qasym-Jomart Toqaev epıdemıologıalyq ahýal jóninde keńeste koronavırýs ınfeksıasyn juqtyryp jatqandar sany kóbeıip jatqanyn aıtty.

– Sońǵy kezde koronavırýs juqtyrǵandardyń sany kúrt artyp ketti. Kún saıyn 5 myńnan astam naýqas tirkelýde. Bir apta buryn osy máseleni Úkimettiń keńeıtilgen otyrysynda qarastyrdyq. Sol kezde Úkimet ahýaldy baqylaýda ustap otyrmyz dep málimdegen bolatyn.

Biraq, ókinishke qaraı, jaǵdaı jaqsaratyn emes. Kerisinshe, epıdemıologıalyq ahýal nasharlap barady. Ásirese, elordadaǵy jaǵdaı óte kúrdeli, – dedi Toqaev. 

Ol óńirlerdiń basym bóligi qyzyl aımaqta ekenine, aýyr jáne asa aýyr jaǵdaıdaǵy naýqastardyń sany kún saıyn kóbeıip bara jatqanyna alańdaýshylyq bildirdi.

– Eń ókinishtisi, azamattarymyzdan aıyrylyp jatyrmyz. Sondyqtan shuǵyl túrde is-sharalardy qoldanýymyz kerek. Tıisti jumys josparyn daıyndap, ony mindetti túrde iske asyrýymyz qajet.

Bizdiń eń ózekti maqsatymyz – vırýstyń taralýyn toqtatý emes. Álemdik tájirıbe munyń múmkin emes ekenin kórsetip otyr. Eń bastysy – asa aýyr naýqastardyń kóbeıýin boldyrmaý, adam ómirin saqtaý. Sondyqtan, onyń bir ǵana joly bar. Bul – jappaı vaksınasıa, ekpe salý, – dep atap ótti Toqaev.