Prezıdent Qasym-Jomart Toqaev belgili kardıohırýrg Serik Bekbosynovtyń otbasy men jaqyn týystaryna kóńil aıtty. Bul týraly onyń baspasóz hatshysy Berik Ýálı áleýmettik jelidegi paraqshasynda jazdy.

"Serik Temirhanuly Ulttyq ǵylymı kardıohırýrgıa ortalyǵynda qyzmet etip, júrek-qan tamyrlary hırýrgıasy salasyndaǵy úzdik mamandardyń biri atandy. Júrekke ota jasaǵan álemdegi eń jas kardıohırýrg retinde eńbegi joǵary baǵalandy. Kóptegen adamnyń ómirin aman alyp qaldy.

Otanymyzǵa adal eńbek etip, óz isiniń bilgir mamany retinde sońyna óshpes iz qaldyrǵan Serik Temirhanulynyń jarqyn beınesi umytylmaıdy, delingen jedelhatta.

20 shildede Qazaqstannyń belgili kardıohırýrgi Serik Bekbosynov 41 jasynda dúnıeden ótken bolatyn.