Mańǵystaý oblysynda birneshe kompanıanyń qyzmetkerleri prezıdent Qasym-Jomart Toqaevqa vıdeoúndeý joldady. Bul týraly lada.kz saıty habarlady.

21 shildede Jańaózen qalasyndaǵy "Oilfield equipment and service" (OES) JSHS men "Aqtaý munaı servıstik kompanıasy" JSHS qyzmetkerleri jáne Mańǵystaý oblysyndaǵy basqa ken oryndary kompanıalary qyzmetkerleri eńbek jaǵdaıyna baılanysty talap qoıdy.

– Birinshi eńbek kelisimshartyn berýdi, ekinshi jalaqyny 100 paıyzǵa kóterýdi, úshinshi jylyna eki ret Táýelsizdik kúninde jáne Munaıshylar kúninde syıaqy tóleýdi, tórtinshi aımaqtyq koeffısentti (qolaısyz klımanttyq aımaqty-red) eskerýdi, besinshi jyl sońynda 13-shi eńbekaqyny tóleýin talap etemiz! Osy talap oryndalmaıynsha jumysty toqtatamyz, – deıdi bir top jumysshylar.