Qazaqstanda epıdemıologıalyq ahýal kúrdeli bolyp, vırýsty táýligine 5 myńnan astam adam juqtyryp jatqanyna qaramastan, qoǵamdyq orynda maska taqpaı júretinder kóbeıgen. Muny árkim ártúrli túsindiredi. biri aptap ystyqta maska taqqanda tynys alýdyń qıyndaıtynyn aıtsa, endi biri maska vırýstan qorǵamaıdy degenge senedi. Osy oraıda Qamshy tilshisi medısınalyq maska vırýsty juqtyryp alýdan qanshalyqty qorǵaıtynyn anyqtaýǵa tyrysty.
Kóptegen ǵylymı dálelder maska taǵý koronavırýstyń taralý qaýpin azaıtýǵa kómektesetininin kórsetedi. AQSH-tyń Kanzas shtatynda júrgizilgen zertteý nátıjesi boıynsha betperde taǵýdy mindettegen aımaqtarda ólim-jitim eki esege azaıǵany anyqtalǵan.
Álemniń ár túkpirinendegi derekterge qarap, maska aýrýdyń azaıýyna septeskenin baıqaýǵa bolady. Túrli ǵylymı zertteýlerdiń nátıjelerine jasalǵan sholý boıynsha "maska taǵý" qarapaıym azamattardy Kovıd-19-dan 60 paıyzǵa, densaýlyq saqtaý qyzmetkerlerin 70 paıyzǵa qorǵaǵan.
AQSH-tyń aýrýlardy baqylaý jáne aldyn alý ortalyǵy jarıalaǵan ǵylymı jazbadaǵy keıbir zertteýler maska aǵzaǵa aýys arqyly enetin vırýs mólsherin azaıta alady degen boljam jasaǵan. Olar masqa vırýsty súzip qalady dep tujyrymdaıdy.
Alaıda jalǵyz adamnyń maska taǵyp júrýi vırýstan adamdy jetkilikti túrde qorǵamaıdy. Maskany neǵurlym kóp adam taqsa, jeke qorǵanys soǵurlym joǵary bolaty deıdi zertteý avtorlardy. Sondaı-aq juǵý deńgeıi negizinen vırýstyń aýada qanshalyqty ekenine baılanysty. Máselen, poıyz vagonynda vırýs juqtyrǵan bes adam men betperde taqqan bir saý adam otyrsa, onda bir maska bes vırýstyń jolyn bógeıdi.
Sheteldik zertteýler maska taǵý týraly talaptyń alynyp tastalýy vırýstyń taralý jyldamdyǵyna ákelip soǵý múmkin ekenin aıtady.
