Prezıdent ákimshiligi basshysynyń birinshi orynbasary Dáýren Abaev Japonıa astanasy Tokıo qalasynda ótetin olımpıada oıyndarynyń tikeleı kórsetilimine qatysty qandaı másele týyndaǵanyn aıtty.

– Dál qazir Japonıamen kelissóz júrgizilip jatyr. Tikeleı kórsetilim jasaý quqyǵyn satyp alýǵa múmkindigimiz bar dep oılaımyn. Biz azamattarymyz óz sportshylaryna qoldaý kórsetýi úshin bar jaǵdaıdy jasaýǵa tyrysyp jatyrmyz. Másele tek baǵada. Keshegi kúnge deıin bizge joǵary baǵa aıtyp keldi. Kórshi memleketter tóleıtin baǵaǵa qaraǵanda, Qazaqstan 10 ese joǵary baǵa tólep keldi. Bul bizdiń ekonomıkalyq damýymyzben baılanysty boldy. Azamattarymyz úkimetti sporttyq merekeden aıyryp jatyr dep kinálaýy múmkin. Biraq biz salyq tóleýshilerdiń qarjysyn únemdegimiz keledi. Meniń oıymsha bul másele jaqyn arada sheshiledi, – dedi Dáýren Abaev.

"Qazaqstan", "Qazsport", "Habar" telearnalary Tokıoda ótetin HHHİİ jazǵy Olımpıada oıyndaryn el aýmaǵynda kórsetý quqyǵyn ıelengen "Dentsu Inc." kompanıasymen kelisimge kele almady. Resmı arnalar kelisimniń uzaqqa sozylý sebebin lısenzıa baǵasy 2016 jáne 2018 jyldardaǵy Olımpıada oıyndarymen salystyrǵanda 123 paıyzǵa qymbattaǵanymyn baılanystyrady. Bıylǵy translásıa quny Qazaqstan úshin 7,5 mln dollarǵa baǵalanǵan.

Qoǵamda Qazaqstan ózin damyǵan el, Orta Azıanyń kóshbasshysy retinde kórsetpese, oıyndar kórsetilimi úshin Qazaqstanǵa qymbat baǵa usynylmaýshy edi degen pikir bar.

Tokıo olımpıadasy 23 shilde 8 tamyz aralyǵynda ótedi.