Densaýlyq saqtaý mınıstri Alekseı Soı "Qazaqstanda balalardy vaksınasıalaý qaı ýaqytqa josparlanyp otyr" degen suraqqa jaýap berdi.

– Bizdiń balalarymyz vaksınasıaǵa múmkindik alýy kerek. Ázirge naqty merzimderdi ataı almaımyz. Biraq qazirdiń ózinde kóptegen ata-analar ótinish bildirip, balalaryn vaksınasıalaýdy surap jatyr. Ókinishke oraı ázirge Qazaqstanda mundaı vaksına joq. Múmkindik paıda bolǵannan keıin biz muny qamtamasyz etemiz, – dedi Soı ortalyq komýnıkasıalar mınıstrligindegi brıfıńte.

Buǵan deıin mınıstr dúnıejúzilik densaýlyq saqtaý uıymy maquldaýynan ótken Pfizer vaksınasynyń alǵashqy partıasyn 12-18 jas aralyǵyndaǵy balalarǵa salý josparlanyp otyrǵanyn málim etken. Statısıkaǵa saı, Qazaqstanda osy jas mólsherine sáıkes keletin eki mıllıonnan astam bala bar.

Soı balalarǵa vaksına salý ata-analardyń kelisimimen júzege asatynyn, vaksına artylyp jatsa, úlkenderge de salynatynyn aıtty.