Bokstan Qazaqstan komandasynyń múshesi Serik Temirjanov Tokıo Olımpıadasyndaǵy alǵashqy kezdesýine qatysty pikir bildirdi, dep jazady Olympic.kz. 

Qazaqstandyq boksshy 57 kelide synǵa túsip, vengrıalyq Roland Galoshty jarys jolynan shyǵardy.

– Jekpe-jek bastalǵanǵa deıin qarsylasymdy biraz zerttedim. Ol lısenzıalyq týrnırde úshinshi oryn alǵan. Árıne, olımpıadadaǵy alǵashqy kezdesýim bolǵan soń, jaýapkershilik joǵary boldy. Qobaljyǵanym da ras. Óıtkeni, komanda sapynan eń birinshi bolyp sharshy alańǵa men shyqtym. Sondyqtan, jeńiske jetý úshin bar kúshimdi saldym. Endi kelesi kezdeýge daıyndalamyz, – dedi Temirjanov. 

Serik Temirjanov kelesi aınalymda amerıkalyq Rogan Dúkpen qolǵap túıistiredi.