Memleket basshysy Qasym-Jomart Toqaev Úndistan prezıdenti Ram Nat Kovındke kóńil aıtý jedelhatyn joldady. Bul týraly Aqorda saıty habarlady.

"Qazaqstan prezıdenti Maharashtra shtatynda bolǵan sý tasqyny men laı kóshkini saldarynan kóptegen adamnyń qaza tapqany jáne úıler men ǵımarattardyń qıraǵany týraly sýyt habardy tereń kúızelispen qabyldady" delingen resmı saıt taratqan habarlamada.

– Qazaqstan halqynyń jáne jeke ózimniń atymnan qaza bolǵan adamdardyń otbasylaryna kóńil aıtamyn jáne zardap shekkenderdiń tezirek saýyǵyp ketýine tilektestik bildiremin. İz-túzsiz joǵalǵan otandastaryńyz óz otbasylaryna aman-esen oralsyn. Osyndaı qıyn-qystaý shaqta biz Úndistan halqymen birgemiz, – delingen jedelhatta.