Eýroodaq Moderna kompanıasy jasaǵan "Spikevax" vaksınasyn 12-17 jas aralyǵyndaǵy balalarǵa koronavırýsqa qarsy qoldanýǵa ruqsat berdi. Bul týraly Bı-bı-sı saıty habarlady.

Eýropalyq dárilik zattar agenttiginiń habarlaýynsha, "Spikevax" vaksınasy balalarǵa eresekterge salynǵandaı ıyqtan salynady. Balalar vaksınanyń birinshi komponentin alǵanan keıin araǵa tórt apta salyp, ekinshi komponentin alýǵa tıis.

"Spikevax" vaksınasynyń tıimdiligin zertteýge 12-17 jas aralyǵyndaǵy 3732 bala qatysqan. Zertteý barysynda vaksına saldyrǵannan keıin balalardyń denesinde COVID-19 taralmaǵany anyqtalǵan. Osylaısha, "Spikevax" vaksınasynyń tıimdiligi eresekterge arnalǵan vaksınaǵa uqsas degen qorytyndy jasaldy.

"Vaksına qabyldaǵannan keıin balalarda aýyrsyný men isiný, sharshaý, bas aýrýy, bulshyqet pen býyndardaǵy aýyrsyný, qaltyraý, júrek aıný, qusý sekildi áserleri baıqalýy múmkin. Bul áserler ádette jeńil nemese ortasha dárejede ótedi. Vaksınasıadan birneshe kún ótkennen keıin aǵza qalpyna keledi" dep jazylǵan habarlamada.