Densaýlyq saqtaý mınıstrligi ótken táýlikte 6119 adamnan koronavırýs ınfeksıasy, 233 adamnan pnevmonıa anyqtalǵanyn habarlady. 22 shildede 64 adam koronavırýstan, 10 adam pnevmonıadan kóz jumǵany belgili boldy. 

El boıynsha koronavırýsqa tapsyrǵan testi oń nátıje kórsetken jaǵdaılar sany  516 117-ǵa jetti. Onyń ishinde 5244 adam qaıtys bolǵan. Koronavırýs belgileri bar pnevmonıamen aýyrǵandardyń resmı sany – 59 150. Onyń 3585-si kóz jumǵan.

Vırýstyń taralýy ásirese Nur-Sultan (1381), Almaty (996), Shymkent (488) qalalarynda, Qaraǵandy (794), Atyraý (489), Batys Qazaqstan oblystarynda (235) órship tur.

23 shildedegi málimet boıynsha, 71 221 adam koronavırýs ınfeksıasynan (–69 436 + jáne 1 785 KVI-) emdelýde, olardyń ishinde 21 096 pasıent stasıonarda, 50 125 naýqas ambýlatorıalyq deńgeıde em qabyldaýda.

İndetke shaldyqqandar arasynda 1 258 adamnyń jaǵdaıy aýyr, 274 pasıenttiń jaǵdaıy óte aýyr, 166 naýqas ÓJJ apparatynda jatyr.

COVID-19 taralýyna jol bermeý jónindegi vedomstvoaralyq komısıa 15 óńir koronavırýstyń taralýy boıynsha "qyzyl" aımaqta turǵanyn málimdedi.

Qazaqstan óńirlerindegi epıdemıologıalyq ahýaldy baǵalaý matrısasyna sáıkes Nur-Sultan, Almaty, Shymkent qalalary, Almaty, Aqmola, Aqtóbe, Atyraý, Batys Qazaqstan, Jambyl, Qaraǵandy, Qostanaı, Qyzylorda, Mańǵystaý, Pavlodar jáne Soltústik Qazaqstan oblystary "qyzyl" aımaqta.

"Sary" aımaqta Túrkistan jáne Shyǵys Qazaqstan oblystary tur.

Jasyl aımaqta birde-bir óńir qalmady.