Elordada 78 jastaǵy anasyn qorlaǵan jigit 10 táýlikke qamaýǵa alyndy. Bul týraly Polisia.kz saıty habarlady.

"Quqyqtyq tártip" jedel aldyn alý is-sharasy aıasynda Nur-Sultan qalasynyń polısıa qyzmetkerleri İİO-nyń esebinde turǵan, otbasy-turmystyq qatynastar salasynda quqyq buzýshylyqqa jol bergen, spırttik ishimdikterdi asyra paıdalanatyn adamdardy turǵylyqty mekenjaıy boıynsha tekserip jatyr.

Tekseris kezinde ýchaskelik polısıa ınspektoryna áıel 56 jastaǵy ulynyń spırttik ishimdik iship, úıge mas kúıinde kelip, balaǵat sóz aıtyp, psıhologıalyq zorlyq-zombylyq kórsetkenin aıtyp, shaǵym jasaǵan.

Buǵan deıin er adam ákimshilik jaýapkershilikke tartylyp, 1 jyl merzimge minez-qulqy erekshe tulǵa retinde esepte turǵan.

Mamandandyrylǵan aýdanaralyq ákimshilik sot sheshimimen oǵan 10 táýlik merzimge ákimshilik qamaý túrindegi jaza taǵaıyndalǵan.