Atyraýda 21 jastaǵy qyz "zorladyń" dep aıyp taǵamy" dep shymkenttik jigitten eki mıllıon teńge aqsha bopsalaǵan, dep habarlady Polisia.kz saıty.

Saıt habarlamasyna sáıkes, oqıǵa birneshe ret qaıtalanǵan. Alǵashynda boıjetken jigitten 2 mıllıon teńge alyp, keıin odan 1 540 000 teńge somasynda taǵy da aqsha talap etken.

18 jastaǵy jigit polısıaǵa habarlasyp, mán-jaıdy túsindirip, kómek suraǵan. Aıtýynsha, qyz ony "Zorlaý" faktisi boıynsha ústińnen is qozǵatamyn" dep qorqytqan. Alaıda jigit jynystyq qatynas eki jaqty kelisimmen boldy dep aqtalǵan. Ekeýi tipti bir qyzmette áriptes bolǵan.

– Ol qyz jaqsy tanysym, tipti Shymkent qalasyna alyp baryp, ata-anammen tanystyrdym, – deıdi jábirlenýshi.

"Atyraý oblysy polısıa departamentiniń Ekstremızmge qarsy is-qımyl basqarmasy jedel is-shara kezinde kúdiktini (qyz – red.) jigitten 500 000 teńge kóleminde aqsha alyp jatqan kezinde ustady. Tekserý kezinde qyz destrýktıvti dinı aǵym ókili ekeni anyqtaldy" delingen habarlamada.

Qazir 21 jastaǵy qala turǵynyna qatysty qylmystyq kodekstiń 194-baby 1-bóligi (Qorqytyp alý) boıynsha sotqa deıingi tergeý bastaldy.