Búgin koronavırýstyq ınfeksıanyń taralýyna jol bermeý jónindegi VAK otyrysynda Nur-sultan, Almaty, Shymkent, Atyraý, Qaraǵandy qalalarynda karantın sharalaryn kúsheıtý týraly sheshim qabyldandy.

Bul aımaqtarda 2 tamyzdan bastap tómendegideı shekteý sharalary kúshine enedi:

• ortalyq memlekettik organdardy, ákimdikterdi, quqyq qorǵaý organdaryn, densaýlyq saqtaý uıymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uıymdaryn qospaǵanda, "Ashyq" jobasyna qatyspaıtyn barlyq kásiporyndar men uıymdardyń qyzmetin toqtata turý;
• oıyn-saýyq, sporttyq, otbasylyq, estelik jáne ózge de buqaralyq is-sharalardy ótkizýge tyıym salý;
• memlekettik organdar, keńseler, ulttyq kompanıalar men ózge de uıymdar qyzmetkerleriniń 80%-yn qashyqtan jumys tártibine aýystyrý (vaksına saldyrǵandardy jáne sońǵy 3 aı ishinde aýyryp jazylǵandardy qospaǵanda).

Sondaı-aq Aqmola, Almaty, Qaraǵandy oblystarynyń ákimdikterine Nur-Sultan (Býrabaı, Selınograd, Arshaly aýdandary), Almaty (Qarasaı, Talǵar, İle, Eńbekshiqazaq aýdandary), Shymkent (Saıram, Tólebı aýdandary), Qaraǵandy qalalarymen (Temirtaý, Shahtınsk, Abaı) shekaralas aýdandarda karantın sharalaryn kúsheıtý boıynsha sharalar qabyldaý usynyldy.

Óńirlerdiń ákimdikterine shekteýler engizý jáne olardyń saqtalýyn baqylaý boıynsha barlyq sharalardy qabyldaý tapsyryldy.

Sondaı-aq bas memlekettik sanıtar dárigerdiń 2021 jylǵy 14 shildedegi №32 qaýlysyna sáıkes 10 tamyzǵa deıingi merzimde qyzmet kórsetý salasynyń barlyq qyzmetkerleri KOVID-19 vaksınasynyń birinshi komponentin saldyrýǵa tıis.